នាព្រឹកថ្ងៃទី២០ ខែឧសភា ឆ្នាំ២០២៥ នៅសាលសន្និសីទបាយ័ន វិមានរដ្ឋសភា ឯកឧត្តម យស ផានីត្តា ប្រធានគណៈកម្មការទី២ព្រឹទ្ធសភា ឯកឧត្តម ឈាង វុន ប្រធានគណៈកម្មការទី២រដ្ឋសភា និងលោកជំទាវ មាន សំអាន ប្រធានគណៈកម្មការទី៨ព្រឹទ្ធសភា ជាជំនួយការគណៈកម្មាធិការសមាជរដ្ឋសភា និងព្រឹទ្ធសភា បានអញ្ជើញប្រជុំពិនិត្យ និងសិក្សាលើប្រធានបទអំពី ប្រព័ន្ធគាំពារសង្គម ជាមួយមន្ត្រីជាន់ខ្ពស់បច្ចេកទេសទទួលបន្ទុកវិស័យប្រព័ន្ធការពារសង្គម នៃរាជរដ្ឋាភិបាល ដឹកនាំដោយឯកឧត្តមបណ្ឌិត ចន ណារិទ្ធ អនុរដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម ដើម្បីពិនិត្យ ពិភាក្សា ដោយផ្តោតសំខាន់លើរបៀបវារៈចំនួន ២គឺ ទី១ ៖ សេចក្តីព្រាងបឋមរបាយការណ៍ស្តីពីការពិនិត្យ សិក្សា និងរៀបចំសេចក្តីសម្រេចស្តីពីប្រព័ន្ធគាំពារសង្គម ទី២ ៖ សេចក្តីព្រាងសេចក្តីសម្រេចស្តីពីប្រព័ន្ធគាំពារសង្គម។
